羅力威坐死角, 黑面發火

jackjohnson2023

羅力威坐死角, 黑面發火

【太陽報專訊】羅力威昨日出席頒獎禮記者會，向來直腸直肚的他不滿被安排坐在角落，更火爆地說：「如果下次都只可以坐角落頭，不如唔好出席！」一眾好友事後力撐他只是藝術家性格。
羅力威坐死角發火

許志安、謝安琪、張敬軒、羅力威與林欣彤等昨日出席《新城勁爆頒獎禮2014》記者會，吸引不少歌迷撐場。現場人山人海，靠邊坐的羅力威視線因而受阻，受訪時更因座位問題大動肝火！

他在記者會結束後接受訪問，問到年底是否有信心得獎？他支吾以對：「唔係特別追求好多嘢，但安排到就出席吓，都希望Fans開心。」其後開始發火「嚟料」：「本身係坐唔定嘅人，頭先坐咗短短3、4個字已經唔舒服。我坐喺角落頭，可能係輩分問題啦，嗰度又堆咗40、50個工作人員，遮晒視線，望唔到台，今日都有啲唔開心！已經唔係被冷落，而係畀人遮住晒，又畀人撞到膝頭、踩到鞋，如果着白色鞋，可能已經花晒！」

「下次不如唔出席」

問到是否不滿大會的座位安排？他突然發火：「今日心情唔係幾好，如果淨係可以坐角落頭，下次不如唔好出席。」其後繼續連珠炮發：「年尾頒獎禮主要係想歌迷開心，有冇獎絕對唔影響任何嘢。」現場所見，他上台時全程木無表情，心不在焉，落台後亦沒有坐回原位，只站在附近。拍攝大合照時，他更自行靠邊站，自動放棄爭取有利位置，似在發晦氣，以行動宣洩不滿！至於問到緋聞女友雨僑亦同場，可有打招呼？羅力威說：「呢啲唔提喇！」

老友撐藝術家性格

記者事後聯絡新城知訊台台長（音樂及娛樂）朱明銳，提到羅力威因座位問題發火，他說：「安排咗佢坐第一行，已經好尊重佢，可能真係有好多Fans遮住佢啦！我臨尾都有同佢握手，佢又冇投訴喎！」英皇藝人管理及唱片部總監霍汶希（Mani）則說：「每個人都有負面嘢同個人位置，我就唔介意企側邊。其實羅力威好小朋友，我會試吓同佢傾偈，畀正能量佢。（擔心電台方面嬲？）相信唔會，銳哥會體諒嘅。」

羅力威的緋聞女友雨僑則說：「我唔知佢心情差。（擔心佢得罪電台？）佢性格係咁，正常喎！」洪卓立亦笑說：「佢不嬲都係咁樣，一向都唔笑。（會安慰佢？）唔得閒理佢呀！」當時坐在羅力威附近的小肥則說：「相信唔關大會事，可能現場太多人。（有試過因座位安排唔開心？）可能年資漸長，個位愈嚟愈好。」坐在羅力威身旁的鄭欣宜亦表示當時不覺對方有異樣。

wellfine

慘慘慘！

jackjohnson2023

慘? 做星要有品呢!

lam800216

吊，自己又唔紅，你唔出聲會無人知道你存在過啦On9

jackjohnson2023

所以咪嬲lor!

DavidLo@FB

唉，陰公

chelsea

thx for share

jnnn

thanks for share

boy_25

I cccccccccccccc

kc120929

哈哈哈哈哈