求其整下敷個啫喱狀面膜就走左，約二十分鐘後響其他房戴住手套幫我清左面膜，又系勁快就完左，佢即刻就趕去其它房到。由入去到走約一個鐘，佢地sell我既時間加埋差唔多半個鐘，訓響到敷面膜廿分鐘，真正做野加埋可能得五分鐘，搵笨！
佢地知道我唔會買療程之後黑面加hea做，so，呢間野一定系黑名單。咩評分監察呃細路嘎。一定系生意唔多好要咁樣呃d人上去。
上個月,我收到佢地ge推銷電話,話有88蚊保濕facial試做仲話有24K金美容棒送,我覺得88蚊唔係貴,可以試下,就應承左。
跟住就上到朗豪坊52樓,就做個個88蚊facial,做完之後,就有個人帶我去個房仔,之後有個人就黎sell d plan,個個人好似叫coco。一開始佢sell個差唔多1萬蚊ge plan比我,話咩100格可以任做facial,跟住我話我仲係學生冇咁多錢,跟住佢就sell 1888蚊 ge plan,話係學生價,仲話下次上黎就冇呢個價架,個plan可以去眼袋/脫腋毛/脫唇毛,我就話我冇咁多錢係身(其實我冇諗過買佢d plan),佢就話可以分開比,又話一個學生點都有幾百蚊啦,我講左好多理由話唔買,佢就係咁迫我買咁,sell左成粒鐘,都唔放人走,個陣我好想走囉,但係間房度又好淆,之後佢話比住訂先啦,如果真係冇錢比,就拎落訂d錢做其他facial,最後好無奈join左1888蚊6次脫唇毛,比左300訂金。個枝24K金美容棒都唔記得左,冇拎到。
岩岩上網睇佢間店ge 評語,原來勁多苦主比佢地呃左,因為之前一直都唔得閒,都冇上過去脫毛,睇到你地ge評語,而家都唔敢再上去...呢間野真係好恐怖。雖然想退番d訂,我諗都冇可能,當買個教訓。:'(
希望多d人睇到呢個post,唔好再比佢地呃!!!
喱間野非常有問題！明明脫晒上身衫做緊按摩都可以,走入黎sell療程，有冇諗過人感受架，佢地送果d面霜比你返去搽，搽完敏感又唔肯認，又話唔關療程事唔肯賠錢，身為銷費者遇到d唔公平既事，一定要公開佢 嚴厲譴責佢
我已經向各政府部門投訴了
Sherrie 佢地帶左你入房 仲要成個鐘頭 不停sell你 已經違反商品說明條例 可以向海關舉報 同埋銷委會處理 追回所有款項 大家唔好怕事一於公開佢，錢是辛苦錢，我比佢地整到 退曬二份保險都唔夠比呀
上個月收到佢地電話，又話咩88試做價，送洗面機幫佢地評下分咁。我見有時間就上去試做，一上到去等左15分鐘先有人招呼我，佢話做facial預一個半鐘，我諗住話可以休息下啦，點知個美容師不斷問我野撩我講野，開頭我都有比反應佢，但之後我都廢事睬佢淨係hea下佢，之後就黎料啦，佢就話我好唇毛，要唔要試下500蚊有22次療程，分24期，姐係夾埋12000蚊，佢又話可以睇下我有幾多現金比我試下脫毛既感覺，又死問我有無第二張eps可以比住錢先，我話無啦，點知佢死唔信，係咁問我真係無呀您揾下啦咁，又睇又摷我銀包。最後我比左12000蚊join左個plan。我仲係今年dse生，邊有錢。
今天直係好火滚，無啦啦被必瘦站美容顧問salesgirl，sale唔到產品俾我就即變臉，話我踩佢d公司和踩佢，叫我out她們的公司，唔做我生意，激氣！我
有