方逸華由夜總會出身 現在掌管六叔娛樂王國
人稱「六嬸」嘅方逸華，佢係已故「影視大亨」邵逸夫嘅第二任妻子，亦係邵氏王國嘅第二把手，亦曾係無綫掌舵人。其實六嬸原本只是夜總會嘅歌手，躍身成為影壇及電視圈舉足輕重嘅人物，佢嘅一生充滿住傳奇，兼且佢以慳家著名，令到六叔都好有信心咁向佢委以重任。
原名方夢蘭嘅六嬸，1952年以歌手身份去到新加坡邵氏戲院樓上嘅夜總會表演，六叔就係比方逸華嘅一曲《花月佳期》而吸引，之後六叔仲邀請方逸華客串邵氏電影《小雲雀》，就係咁，佢哋就漸生情愫。
直至1969年，六叔邀請方逸華入邵氏主管採購部；及後鄒文懷離開邵氏，六嬸便接管了製片部。81年起，六嬸加入董事局，至00年正式成為副主席。六叔夫妻檔嘅影視江山，係六嬸入主後，亦越見節儉。
曾經就有傳聞，話關寶慧試過幫無綫拍攝後，只係收到TVbuddy公仔做報酬，亦有指曾客串邵氏電影《72家租客》嘅演員，都只係得到一封「無言感激」字條嘅利是做報酬。
此外，許紹雄曾受訪時，以前無綫每逢新春，會向藝員派發5000多元利是，但係Benz雄話：「不過停咗好耐啦，自從方小姐話事就停咗」。
13年，《蘋果》曾影到六嬸同妹妹和友人去銅鑼灣食上海菜，六嬸將食剩嘅食物打包拎走，完全冇浪費食物，非常慳家。
http://hk.apple.nextmedia.com/enews/realtime/20161019/55794542
其實我識一D做PTGF/CC既女仔, 而家好多都有車有樓有公司, 過去並不重要 Goodddddddddd
頁:
[1]