永遠的小蘿莉 發表於 2016-8-15 20:51:44

搵一個屬於你既Mr. right其實唔難



呢個世界唔係人人一開始就清楚邊啲男生啱自己,所以有啲女生會與唔同類型嘅男生約會過/拍過拖,最後先知道自己要啲咩;亦有啲女生一直重複同唔啱嘅類型一齊,唔知點算好。想搵出邊種類型啱自己?不妨試吓呢啲方法。





1. 回顧過去及展望未來

識多啲唔同類型嘅男生,又唔使個個都同佢約會/拍拖嘅,做吓朋友、了解多啲,俾多啲空間自己去睇吓邊啲特質啱自己、邊啲一定唔得。




諗下以前啲ex,同佢哋拍拖時,你最難頂啲乜,例如佢完全無時間陪你/成日遲到/「洗腳唔抹腳」,咁你下次就要搵個黐身啲/守時/識理財嘅對象喇!




2. 諗一諗啲男名人

雖然你同到佢哋一齊嘅可能性極低,不過佢哋可能都有嘢幫到你。列出你欣賞嘅男名人,然後睇吓呢啲人之間有咩共同特質?例如公認顧家/鍚老婆、鍾意運動、有某啲藝術才華、有幽默感、傻氣、唔係好靚仔但有實力之類,咁樣你大概就可以得出你欣賞嘅類型。




先旨聲明,首先你要將外表/地位呢啲嘢拋開,單純以個性出發咁去分析呢啲人先至有用㗎!





3. 留意大家明顯唔夾嘅地方
識多啲唔同類型嘅男生、開放自己睇人嘅態度唔代表乜都無所謂,成日話無所謂嘅人,一係唔知自己要啲乜,一係就係唔想俾人知佢鍾意啲乜。




其實有時有啲嘢都好明顯嘅,例如你勁鍾意狗狗,屋企有兩隻寶貝,咁就無謂嘥時間喺啲討厭狗狗嘅人身上。





CG! Tips

唔好執着於搵一個完全符合你期望嘅人,只要知道咗自己嘅大方向,就放鬆啲「準則」,咁先可以接觸到越多有潛質嘅人。


頁: [1]
查看完整版本: 搵一個屬於你既Mr. right其實唔難